ของกิ๋นปี๋ใหม่เมือง

[อุเทน47]

  ของกิ๋นปี๋ใหม่เมือง ของคนเมืองก็คงบ่พ้น ลาบ หลู้ เหล้า
วันนี้เอาของกิ๋นคลาสสิคของคนเมืองมาหื้อกอยเน้อ
อันแรกใผ๋ฮู้จักผ้อง
น้ำขาว (สาโท)
รสหวาน กินง่าย เมาง่าว

[อุเทน47]

  ต่อมาก็ตามสูตร หลู้ เลือด แผล่บๆ แวมไฟร์กับแดร็กคูล่า มักขนาด

[อุเทน47]

  แล้วตบท้ายด้วย ลาบหมูคั่ว ฮ้านศรจันทร์ เป๋นดีกั๊ดท้องขนาด
ปี๋ใหม่เมือง ก็ขอหื้อกิ๋นข้าวลำๆ สุขภาพแข็งแฮงเน้อ...ปี้น้องหมู่เฮา

[อุเทน47]

  ถ้ายังบ่อิ่มเตื้อ ก็เอาแหม ลาบควายดิบ

[อุเทน47]

  โพสฮูปบ่ได้ เอาใหม่ลาบควายดิบ

[อุเทน47]

  อันนี้ก็แซ่บหลาย ต๋ำมะม่วง ซู้ด...ยอด

[อุเทน47]

  ถ้ายังบ่ปอ ก็สั่งมาแหม ไส้อั่ว คางหมูย่าง หรือแอ้บอ่องออ ลำๆท้างน้าน

[อุเทน47]

  แถมจิ้นส้มหมก แหมสองห่อ บ่อิ่มก็บ่ฮู้จะว่าจะใดละ

[อุเทน47]

  คนมะเก่าเปิ้นว่าปี๋ใหม่เมืองต้องกิ๋นแก๋งบะหนุน (แกงขนุน) จะได้จ้วยก้ำจ้วยหนุนชีวิตหื้อดีขึ้น
วันพรุ่งนี้จะขอแม่เฮายะหื้อกิ๋นดีกว่า แล้วจะเอาฮูปมาฝาก(ถ้าเปิ้นยะหื้อกิ๋นนา)

[Chat601]

กิ๋นเผื่อตวยเน้อ...
ต๋อนปิ๊กบ้านแม่ก่อแก๋งผักหวานใส่เต้งมดส้มหื้อกิ๋น ลำแต๊ลำว่า
แก๋งหม้อบะเล่นเสียซะตังค์บ่กี่สิบ อยู่กรุงเทพฯ ไปกิ๋นร้านหญ้าแมงไวน์
ถ้าจ๋ำบ่ผิด ถ้วยละร้อยห้าสิบ ใส่เต้งมดมอกหื้อหันว่าใส่ละเน่อ  

[Chat601]

กะลังนั่งฟังเพลงใน cm77.com ไปยะก๋านไป ได้บรรยากาศปี๋ใหม่ดีเหมือนกั๋นแฮะ

[อุเทน47]

  ตะวาตี้บ้านยะแก๋งโฮ๊ะ ลำขนาด จ่าบอยต้องขอห่อปิ้กบ้านไปกิ๋นต่อแหม
แก๋งผักหวานบ้านฉัตรก็สีท่าจะเหมาะเหมือนกัน น้ำลายปุ๊ แหมละ

[Chat601]

ของโปรดแหมแล้ว ไปเซาะกิ๋นพ่องดีก่า

[KITTI]

น้ำลายปุ๊ 

[jackthairath39]

น่ากินวะเก๋
ปีใหม่เมือง ตู ไปซื้ออาหารเหนือแถวแฟลตการเคหะมากิน มี แกงแค ตำบะหนุน ก็อร่อยดี
แม่ยายตูก็ดี๊ดี ซื้อน้ำเงี้ยวมาให้ แบบเอาใจสุด ๆ
อยากกินลาบควายวะ กรุงเทพหายาก

[jackthairath39]

ตูเห็นไส้อั่วแล้วคิดถึงไส้อั่วที่ฉัตรซื้อมาฝากจากเชียงใหม่แล้วลงท้องอาจารย์โกยไปอย่างน่าพิศวง
ทุกวันนี้ยังงงอยู่ว่ามันหายไปไหน
อ้อ อยากกินน้ำพริกหนุ่มลำ  ๆ วะ วันก่อนไปซื้อแถวหน้าบิ๊กซี ลาดพร้าว กินไปแล้ว ท้องแทบระเบิด

[อุเทน47]

เมนูวันปากปี๋ ...แก๋งบ่าหนุน+ลาบ

วันปากปี๋ถือเป็นการเริ่มต้นของปี๋ใหม่ เป๋นความเจื่อประการหนึ่งของคน"ล้านนา" ในวันปากปี๋ทุกบ้าน/วัด จะแกงหม่าหนุนอ่อน ใส่จิ้นหมู-ซี่โครงหมูเลี้ยงกั๋น โดยมีความเจื่อว่า เมื่อได้กินแกงขนุนแล้วจะหนุนนำชีวิตให้ดีขึ้นตลอดปี๋ใหม่นี้ ส่วนลาบนั้นเป๋นอาหารเสริม(จื่อลาบเป๋นมงคล) ไผหื้อกิ๋นลาภ ในวันปากปี๋ ก่อจะโจคดีสุดปี๋สุดแล้ง

จะไปเซาะของบ่ดีมากิ๋น หื้อกิ๋นก้าลาบ ก้าแก๋งบ่าหนุนเน้อปิ้น้องงงงง

[นิชคุณ ป๋ายดอย]

อยากทราบว่าร้านลาบเมือง อร่อยๆ นี่ต้องไปหาแดกที่ไหนครับ?...แล้วร้าน ทอดอร่อยๆ แบบว่ามือวางอันดับ 1 ของเชียงใหม่ตอนนี้มันล้มหายตายจากกันไปไหนหมดแล้วครับ?

[อุเทน47]

ลองเข้าไปดูนี่เลย http://www.montfort27.com/forum/index.php?topic=66.0 

[Putsiland]

แล้วตบท้ายด้วย ลาบหมูคั่ว ฮ้านศรจันทร์ เป๋นดีกั๊ดท้องขนาด
ปี๋ใหม่เมือง ก็ขอหื้อกิ๋นข้าวลำๆ สุขภาพแข็งแฮงเน้อ...ปี้น้องหมู่เฮา

ได้เห็นแล้วทรมานใจยิ่งนัก ยิ่งได้อ่านตอนเลิกงานดึกๆแทบจะเอาชีวิตไม่รอด เคยอยากกินขนาดหนักไปว่าจ้างจอมยุธรลาบสัญชาติลาว วาดลวดลายตำนานลาบแห่งกรุงเวียงจันทร์.................ผลปรากฏว่าหน้าตาออกมาเหมีอนลาบแต่ไม่ใส่พริกลาบครับท่านผู้ชม อุปมาเหมีอนดืมเบียย์แต่ไม่มีอัลย์กอฮอ...เสียเวลามากินเป่ลาๆ
    ท่านผู้ใดมีสูตรลาบดั้งเดิมของเมีองนครพิงค์ถ้าไม่เป็นการรบกวนโปรดแบ่งปัน เพราะถืงเวลาที่ผมต้องทำกินเองเสียแล้ว