;)
ไปปะภาษิตกำเมืองมา ได้กำกึดดี แต่ต้องก้อยๆอ่านเน้อ กำเมืองสะกดเป๋นภาษาไทยนี่มันอ่านละเจ็บหัวง่าว :laugh:
ต๋าตั๋วมีจ๊กออกเอาหน่วยบ่ากอกยัดแตน
แปลเป็นไทยได้ประมาณนี้ = ตาของตัวเองดันควักออก เอามะเหงกยัดใส่แทน
กำๆ นี้ ฟังๆ ไปก่อว่าคนบ่าเก่าเอาอะหยังมาอู้ไปเรื่อยไผจะไปเยี๊ยะจะนั้นมีก่าผีบ้ากา คนบ่าเต๋มกาตี่มันจะเยี๊ยะจะอั้น ล่างบ่าล่างคนผีบ้าผีบกหมู่นั้นมันยังบ่อเยี๊ยะเลย ฟังๆ ไปเป๋นดีไค้หัว ซึ่งความหมายของกำนี้ เป๋น ภาษิตคนเมืองเฮาตี่เปรียบเทียบว่าของดีๆ ของตั๋วเก่ามีบ่าฮู้คุณค่าไปกึ๊ดว่าของเปิ่นดีกว่า ของคนอื่นดีกว่า ของตั๋วเก่า ละก่อละขว้างของตั๋วเก่าไปเ :-X ยเอาของคนอื่นเข้ามาแตนตี่ โดยกึ๊ดว่ามันดีมันงาม
แต่ถ้าว่ามาลองกึ๊ดกั๋นหื้อดีเรื่องตี่หน้าไค้หัวตี่คนบ่าเก่าเปิ่นอู้ไว้บ่าเดี่ยวมันท่าจะเป๋นแต้ หละอ่อนต่อนแต่น ลวดไปแผวคนเฒ่าบ่าเดี่ยวปากั๋นละขว้างของเก่าฮีตเดิมตี่มีอยู่หาว่าบ่อทันสมัยคร่ำครึไปนั่น ของตันสมัยมันต้องเอาอย่างฝรั่งพ่อง อย่างบ้านนี้เมืองนั้นเปิ่นพ่องจะนั้นนา ละก่อปากั๋นมาแต่งย้องตั๋วต๋นอย่างเปิ่น แป๋งสลิดปิดป๊าดอย่างเปิ่น ซ้ำเตื่อก่อเหลือเปิ่นก่อน หละอ่อนวันรุ่น วัยหน้อย ก่อปากั๋นไปอ่านหนังสือการ์ตูนพ่อง กอยหนังของเปิ่นพ่อง ฟังเพลงของเปิ่นพ่อง ละก่อกึ๊ดกั๋นว่ามันท่าจะเป๋นจะนั้นๆ เลยปากั๋นทำตั๋วแปลกๆ ทำตั๋วอย่างค้างค๊ากปองตั๋ว เป๋นหมู่นักเลงใจ้ความรุนแรง มัวสุมตางเพศ ซึ่งซ้ำเตื่อแต้ๆ บ้านเปิ่นเมืองเปิ่นบ่าได้เป๋นอย่างตี่คิด ถ้าได้ไปเห็นของแต้พ่อง ได้ไปสัมผัสกับเปิ่นแต้ๆ ฮู้ถึงรากวัฒนธรรมละก่อความเป๋นมาของเปิ่นเฮาจะฮู้สึกว่าเฮานี่มันง่าวไป๊ง่าวๆ ของตั๋วเก่าจ๊าดดี จ๋นคนอื่นบ้านอื่นเมืองอื่นเปิ่นอิจฉา กลับบ่าฮู้กุนก่า หันเป๋นของบ่าดีบ่างาม อันของบ่าดีของเปิ่นฮี่หยังเอามาใส่หัวเอามาใส่ใจ๋จ๋นเป๋นจ๋อมจ๊อกด๊อกด้อย กอยเหมือนทาสตางความคิดความอ่าน ทาสทางจิตวิญญาณจ๋นน่าสมเพศไปจะนั้น
ก่ออยากฝากไว้กับเจ้าหมู่จาวจุมหื้อจ่วยกั๋นควักเอาหน่วยบ่ากอกออกจากเบ้าต๋าละก่อปากั๋นเอาแก่นต๋าของตั๋วเก่ามาใส่ไว้อย่างเก่า อย่างเดิมก่อจะได้หันว่า.... โห... แก่นต๋ามันดีจะนี้ล่อ... เฮานี้มันง่าวมาเมินแล้วน่อ... ต่อนี้ไปเฮาจะขอใจ้แก่นต๋าของเฮาผ่อกอยท้องฟ้าตี่สวยงาม ผ่อแม่น้ำตี่ไหลเย็น ผ่อป่าไม้ตี่ฮ่มรื่น ผ่อฮีตผ่อฮอยของเฮา ผ่อจิตใจ๋ต๋นตั๋วหื้อเป๋นสุข หื้อบ่ามีตุ๊กไปไจ้ๆ หละนายเฮย.... แล้วบ้านเฮาเมืองเฮาก่อจะอยู่เย็นเป๋นสุข บ่าต้องมาเป๋นตุ๊กเพราะแก่นบ่ากอก แหมต่อไป...สวัสดี...